Район сулышы

ЛАЕКЛЫЛАР БҮЛӘКЛӘНДЕ

Бу ел районыбызның төрле тармакларында көч салган уңганнар өчен аеруча истәлекле һәм уңышлы булды. Тугызынчы декабрь көнне район Хакимияте башлыгы катнашлыгында үткән оператив киңәшмә дә бер төркем райондашларыбызны бүләкләү тантанасыннан башланды.

„ХӘЗИНӘ БАР БУ АВЫЛДА!”

Түбән Сикиязга Кыш бабай белән Карсылу килеп тә җитте
„Тамаша” район театр коллективлары фестиваленә Түбән Сикияз авылы халкы — әле анда көн итүчеләр дә, район үзәгендә яшәүчеләр дә елның-елында дәррәү кубып әзерләнә. Кунаклар, күрше авыллардан килүчеләр гаҗәпләнеп, сокланып, көнләшеп таралыша бу чарадан.

РУСИЯ БЕРЕНЧЕЛЕГЕННӘН — ҖИҢҮ БЕЛӘН!

Казан шәһәрендә милли көрәш буенча Русия беренчелегенә узган бәйгедә Башкортстан Республикасы командасы составында райондашларыбыз да көч сынашты. Спорт мастерлыгына кандидат нормасын үтәгән Иске Балтач 1нче урта мәктәбенең 10 сыйныф укучысы Ленар Шәрәфиев, Иштирәк авылы егете Илнур Гайнуллин Русия беренчелегеннән җиңү яулап кайттылар. Гомум нәтиҗәләр буенча Башкортстан Республикасы командасы бу бәйгедә призлы икенче урынга чыкты.

КИҢӘЮ ИСӘБЕ БЕЛӘН ЯШИ

Район территориясендә шәхси эшкуарлык матур темпта үсешә. Мәсәлән, узган ел нәтиҗәләре буенча 10 000 кеше исәбенә кече эшкуарлык субъектларының саны 340, 74 берәмлек тәшкил иткән, ә бу инде аннан алдагы елгы күрсәткечкә карата 12, 5 процентка югарырак (302, 76 берәмлеккә күбрәк) дигән сүз.

ТАБИБЛАР КАЙТТЫ!

„Земство докторы” программасы буенча узган елда районга дүрт табиб кайтса, агымдагы елда үзәк район дәваханәсенең врачлар корпусы тагын ике кешегә тулыланды. Башкорт дәүләт медицина университетын тәмамлап, Куватов исемендәге республика дәваханәсендә интернатура үткән Юлия Исламголова һәм Ильзида Акберовалар участок терапевтлары булып эшкә башлады.

ПСИХОЛОГИК БАРЬЕРНЫ ДА ҖИҢӘРЛӘР

Нефтекама шәһәрендә волейбол буенча Башкортстан Республикасы беренчелегенә узган кызлар арасындагы бәйге иң көчле 12 команданы үзенә туплады. Безнең районның данын яклап балалар һәм үсмерләр спорт мәктәбеннән волейболчы кызлар Диләрә Габитова, Диана Суфиярова, Лилия Хәйруллина, Айгөл Вәлиева, Фәридә Закирова, Гөлназ Вшивцова, Әлфия Борханова, Лилия Гыйсмәтуллиналар чыгыш ясады. Кызларның республика күләмендәге бәйгедә әлегә тәүге тапкыр чыгыш ясавы. Алар Русия чемпионнары белән беррәттән көч сынашты. Унике команда арасында балтачлылар бишенче урынга чыкты. Барлык спортчылар да төрле шәһәрләрдән килгән иде. Уфадан өч команда уйнады.
—Мондый күләмдәге бәйгегә кызлар беренче тапкыр юлланды. Тырышканда призлы урынны ала алыр идек. Тактикага караганда, волейболчы кызлар өчен психологик барьерны җиңеп чыгу иң авыры булды. Призлы урынга чыкмасак та, тәҗрибә туплап кайттык. Киләчәктә команданың җиңүгә омтылышы зур, —ди тренерлары Айрат Садыйков.

ТАБИГАТЬ — УРТАК ЙОРТЫБЫЗ

Һәр кеше яшәгән, ял иткән урынын чиста тотарга бурычлы
Әйләнә-тирәбезне саклау мәсьәләләренә җәмгыятьнең игътибарын җәлеп итү йөзеннән 2013 ел Экологик культура һәм тирә-як мохитне саклау елы дип игълан ителгән иде. Районда бу уңайдан балалар бакчасыннан, мәктәптән алып төрле чаралар үткәрелде. „Минем республикам” социаль- экологик акция кысаларында узган өмә шуларның берсе.

„КАРТАЙМАСАҢ, ЯШЬЛЕК УЗМЫЙ УЛ!”

Гомеренең һәр мизгелен бәхетле итү кешенең үзеннән тора
„Мин яратам сине, тормыш!” дип аталган республика иҗат фестивале икенче генә ел оештырылуына карамастан, өлкән яшьтәге меңләгән кешене сәхнәләргә мендерде, очраштырды, туплады. Агымдагы елда төбәк бәйгесендә җиңү яулаган райондашларыбыз фестивальнең республика этабында да уңышлы чыгыш ясадылар. Һәвәскәрләр Назил Мифтахов һәм Җәүдәт Гәрәевлар үзләре сәхнәгә куйган, „Бер картлыкта, бер яшьлектә” дип атаган татар биюе белән „Ансамбльләр” номинациясендә II дәрәҗә, Пётр Абдулов „Оригиналь жанр” номинациясендә III дәрәҗә лауреат исеменә лаек булдылар.

ЙӨРӘК, ИЯР, ТӘХЕТ, ЭСКӘМИЯ...

Район мәдәният сарае алдында тимердән бизәкләп эшләгән йөрәк формасында композиция барлыкка килүенә игътибар иткәнсездер. Кавышучы парлар аның янында фотога төшә. Соклану белдереп узучылар бихисап. Эскәмияләрдә утырып ял итүчеләр дә күп. Бу күркәм почмакның барлыкка килү тарихы гәзит укучыларны да кызыксындырадыр.

ТӘҖРИБӘЛЕ БЕЛГЕЧ

Эшебезнең асылы халыкка йортын, җиһазларын төрле бәла-казалардан сакларга кирәклеген төшендерүдән гыйбарәт. Түбән Карыш һәм Анновка авылларын хәзмәтләндерүче агентыбыз Әнисә Суфиярова бу максатны уңышлы тормышка ашыруда беренче чиратта кешеләр белән уртак тел табу мөһим, дип саный.

RSS-материал