Район сулышы

„САУМЫСЫЗ, ЧУРАПАНЛЫЛАР?!”


Кечкенә авылда оештырылган зур бәйрәм бихисап якташларны очраштырды


Чурапанга бару хәзер проблема түгел. Соңгы елларда Иске Балтачтан бу авылга барган юлны, комташ түшәп, тигезләделәр. Чурапанлылар үзләре: „Машина белән келдерәтеп кенә кайтабыз”, — дип сөенеп сөйли бу хакта.

„САТЫП АЛУЧЫЛАРНЫ КҮБРӘК ҖӘЛЕП ИТҮ ЯГЫНДАБЫЗ”

Зур сәүдә үзәкләре белән конкуренция шартларында эшли бүген районның кулланучылар җәмгыяте. Авылларда әледән-әле шәхси эшкуарлар үзләренең сәүдә нокталарын ача. Кешеләрнең сайлау мөмкинлеге киң. Мондый очракта халыкның ихтыяҗын беренче урынга куеп, ассортиментны төрләндереп торганда гына табышлы эшләргә мөмкин. „Радуга” кулланучылар җәмгыяте хезмәткәрләре агымдагы елның беренче яртыеллыгында 36 миллион 139 мең сумлык эш башкарган. Быел кооперация оешмасы 92нче тапкыр үзенең һөнәри бәйрәмен билгели.

ИҢ ЕГӘРЛЕЛӘР, АКТИВЛАР ХӨРМӘТЛӘНДЕ

Дәвамлы яңгырлардан соң Яшьләр бәйрәмендә көн аяз һәм җылы булды. Гүя, табигать тә яшьләр белән беррәттән, шатланды бу көнне. Иртәнге сәгатьләрдә балалар өчен төрле чаралар оештырылса, кичен яшьләр бер-берсе белән аралашты, күңел ачты.
Яшьлек — кеше гомеренең иң гүзәл мизгеле. Якты уй-хыяллар белән, киләчәккә матур планнар корып яшәлгән чак. Бәйрәм хуҗаларын тәбрикләргә килгән район Хакимияте башлыгы Рәфил Галләмов та бу хакта сөйләде.

КӨРӘШТӘ ЧЫНЫККАН ЕГЕТЛӘР БАР БЕЗДӘ

Көрәш — үзләрен бу шөгыльгә даими әзерләгән көчле рухлы ир-егетләр, гаделләр спорты. Районда ныклы базасы булган һәм камилләшүгә йөз тоткан милли спорт төренә яшь буын вәкилләренең күпләп тартылуы куанычлы. Бил бирмәгән батырларыбыз белән чын мәгънәдә горурлана алабыз. Алар үрнәгендә көчле рухлылар сафын яшүсмерләр тулыландыра.

ТӨРЛЕ МИЛЛӘТ ВӘКИЛЛӘРЕ “АРКАН ИШТЕ” “СЕМЫК”ТА


Хәбәрдар булсагыз, 2010 елда Мишкә районында — бер километрга, 2013 елда Калтасы районында 2,3 километрга сузылган “Верёвочка” биюе белән мари халкы дан яулаган иде. Соңгысы, “Ший кандыра — 2013” III төбәкара фестиваль-конкурсы барышында Калтасының үзәк урамында 3,5 мең кеше биегән “Верёвочка” “Дөньяда иң озын көнчыгыш-мари биюе” рекордын раслаучы сертификатка ия булган хәтта.

ИСЕМНӘРЕ БЕР ДӘ ОНЫТЫЛМАС

Русия көне районда зур тантана рәвешендә билгеләнде. Илләр сәясәтенә бәйле вакыйгалар хәрбиләрне Әфганстан, Чечен җирлегенә юнәлтә. Бу чор хәзер тарих битләрендә урын алды. Алышларда һәлак булганнарның исемнәрен мәңгеләштерү ниятеннән Иске Балтач авылында һәйкәл ачу чарасы үтте. Анда бихисап райондашлар катнашты.

СӨЕНЕЧЛЕ ОЧРАШУЛАР, ЕЛМАЮЛАР, БҮЛӘКЛӘР ҺӘМ МАТУР ҖЫРЛАР БЕЛӘН ЯНӘ КИЛДЕ САБАНТУЙ

16 Июнь, 2014 - 07:57.Район сулышы

Сабан туеның билгеле бер көне юк. Ул авыл җирендә язгы кыр эшләре тәмамлануга бәйле календарь йолаларына нигезләнгән милли бәйрәмебез, мәдәниятыбыз һәм тарихыбызның аерылгысыз бер өлеше. Быелгы Сабантуй аеруча истәлекле. Чөнки ул Мәдәният елы белән дә бәйле. Уен-көлкегә, күңел ачуга, төрле уеннарга, бәйгеләргә байлыгы ягыннан барлык җыеннарны дә уздырган бәйрәм ул Сабантуй. Биредә һәркемгә тамашачы булу белән беррәттән, ярышларда катнашу мөмкинлеге дә бар. Рәхим итеп көчеңне сынап кара, сәләтеңне күрсәт. Башкалардан җитезрәк һәм көчлерәк булып чыксаң Сабантуй бүләгенә лаек буласың. Ә никадәр сөенечле очрашулар, елмаюлар бу бәйрәмдә. Ләкин сабантуйның төп асылы игенчеләрне хөрмәтләү. Елдагыча аларның урыны мәйдан түрендә. Сабан туе саен игенчеләрнең кыр эшләре чорында башкарган эшләренә, терлекчеләрнең кышкы чорда продукция җитештерү өлкәсендә ирешкәннәренә йомгак ясала, алдынгылар бүләкләнә. Башка тармак эшчәннәре дә бүләкләнүдән читтә калмый.

ЗУР ӘНИ ТӘРБИЯСЕНДӘ ЧЫНЫККАН ЕГЕТ

Хат таратучы урамда күренүгә Миңнебикә апа, нидер сизенгәндәй, күзен алмый аңа карап торды. Аның сиземләве дөрес булып чыкты. Хат таратучы бүген аның йортындагы почта тартмасына да гәзит салды. Миңнебикә апа гәзитне өенә алып керергә ашыкты.

ҺӘР САБЫЙ БӘХЕТКӘ ЛАЕК

Халыкара балаларны яклау көне уңаеннан Иске Балтач авылының үзәк мәйданында бихисап балалар җыелып, бер-берсе белән аралышты, күңел ачты. Балалар иҗаты үзәге оештырган бәйрәмгә сабыйлар, мәктәп укучылары, сәнгать мәктәбендә шөгыльләнүчеләр килгән иде.

ЯНӘ БЕР БАСКЫЧКА — ЮГАРЫГА...

Күңелләре моңга тулы шәхесләр күп бит ул Балтачта. Тылсымга ия шигърияткә гашыйклар да җитәрлек. Йөрәкләренә тынгы бирмәгән уй-кичерешләрен шигъри юлларга салучыларны, аваздаш хисләрне рифма бизәкләренә үрүчеләрне ел саен үткәрелә торган „Илһам баскычлары” район конкурсы берләштерә. Якташларының, күренекле шагыйрьләрнең иҗат җимешләрен жюри игътибарына тәкъдим итә алар. Конкурс аралашу, якты хисләр белән алышу чарасына тиңләшә.

RSS-материал