Хәерле җомга иртәсе белән барыгызны да, балтачлылар!

Җомга көн мөбәрәк булсын кадерле дуслар, мөселман кардәшләр! Дөньяларда тынычлык, бәрәкәтле тормыш, гаиләләрдә иминлек, шатлык-бәхет, саулык булсын!

(Иске Яхшый авылының борынгы мәчете. “Балтач мәчетләре” сериясеннән).

Җомга көненең башка көннәрдән өстенлеген дога кабул була торган вакыт та күрсәтә. Мөхәммәд (с.г.с) шулай ди:

«Җомга көнендә бер вакыт бар, әгәр дә шул вакытта намаз укучы мөселман кешесе Аллаһтан берәр хәерле нәрсә сораса, Ул аңа аны бирәчәк» (Бухари).

Җомга көнне фәрештәләр намазга килгән кешеләрнең исемнәрен язып баралар. Мөхәммәд (с.г.с) бу турыда шулай ди:

«Әгәр дә җомга көне җитсә, мәчетләрнең ишекләре янында фәрештәләр булып, алар намазга иң беренчеләрдән килгән кешеләрнең исемнәрен язып баралар. Әгәр дә имам хөтбә укырга мөнбәргә утырса, алар язылган битләрне төрәләр һәм хөтбәне тыңлый башлыйлар» (Бухари).