Матурланабыз. Битлекләр ясыйбыз

Кыярдан
Яңа гына өзеп алынган кыярны угычтан уарга һәм 1 аш кашыгы кефир белән болгатып, биткә сөртергә. Бу битлек сулган коры тирене агарту, тукландыру, яшәртү өчен яхшы.

Петрушкадан
Петрушканы ваклап, сутын сыгарга һәм аңа шул ук күләмдә сөт өстәргә. Көн саен биткә сөртеп, 15 минут тотарга.

Кура җиләгеннән
100 грамм кура җиләген сыгарга һәм барлыкка килгән сутка 2 аш кашыгы сөт өстәргә, марляны әлеге катнашмада чылатып, биткә 15 минутлык компресс куярга. Соңыннан битне җылы су белән юарга кирәк. Бу битлек барлык төр бит тиресе өчен дә туры килә.

Яшь бәрәңгедән

Әгәр арыганлыгыгызны тойсагыз һәм ул йөзегездә чагылса, сөттә пешкән яшь бәрәңге ярдәмгә килер. Аңардан ботка ясап, 10-15 минутка битегезгә сылагыз.