Балтачлылар, бүген җир җиләгеннән компот каплыйк

Быелгы җәй балтачлыларны каен җиләге уңышы белән әлләни куандырмаса да, тау битләрендә, яланнарда җир җиләге ишелеп уңды.

Болыннарга таралган хуш исле, балланып пешкән җир җиләген җыеп, кышкылыкка компотлар каплап калырга ашыгыйк, дуслар.  Әлбәттә, компот ясау рецептлары төрле һәм һәркем үзенә теләгәнен сайлап ала. Татарстан Республикасында яшәгән танышларыбыз уртаклашкан алым да серле сандыкларыбызга артык булмас, дип уйлыйбыз.

Тәүдә 3 литр банкаларны һәм капкачларын стерилизацияләргә һәм 1,5 бокал җиләк, кайнап торган су салырга, 10 минут тотарга, суын агызып тагын кайнатырга һәм 1 бокал шикәр комы салырга, кайнап чыккач кире банкага агызып капкачын каплап ябарга. Банканы астын өскә әйләндереп суытырга.Аннары компотлар суынгач салкын урынга урнаштырырга.

Кышын мунчадан соң җир җиләге компоты сусауны басу өчен шәп булачак.

Чыганак: http://intertat.ru/