9 Февраль, 2018 - 11:15

Бүген сырларның нинди генә төрләре юк: юка гына телемле яки өчпочмаклы кечкенә „хохланд” лар, савытларга тутырылганнары „мааздам” лар, түгәрәк туп кебекләр „ламберлар”... Каты сырлар ( голланд сыры да шунда керә) — сөттән җитештерелгән ризыкларның уникаль категориясе. Кибеттә сырлар күп, әмма күпләр голланд сырын хуп күрә. Бу ризык безгә сырлар җитештерү буенча алдынгы саналган Франциядән кала икенче урында торган Голландиядән кергән. Җитештерү технологиясе соңгы дистә еллар эчендә әлләни үзгәрмәде дип әйтергә була. Сыйфатлы чын голланд сырының әз генә әчкелтем исе аңкып торырга тиеш. Сырның еш кына „рәсеме”, „бизәге” була, ул сыр массасының барлык өстенә тигез чәчелә.
Рәсеме булмаса да голланд сыры начар, сыйфатсыз дигән сүз түгел. Төсе ак, аксыл-сары була.