“Виноградинка” салаты әзерлибезме?

5 Май, 2017 - 16:05

Бу рецептны безгә янә Радим Гыйләҗев тәкъдим итте. Ул “Балтач таңнары” гәзитендә дә, “Люблю готовить” журналында да дөнья күрде.

“Виноградинка” салаты

Аны әзерләү өчен 1 ысланган тавык боты, 2 груша, 200 грамм каты сыр, 100 грамм вакланган әчтерхан чикләвеге, майонез, сарымсак һәм бизәү өчен ике төстәге виноград кирәк булачак.

Әзерләү: майонезга изелгән сарымсакны салып бутарга. Тавык ботын, груша һәм сырны кубиклап турарга һәм югарыдагы ысул белән бутарга. Килеп чыккан массаны тау сыман өяргә. Өстәлгә чыгарыр алдыннан виноградлар белән бизәргә.

Ашларыгыз тәмле булсын!