Дамир ХӘЙРТДИНОВ

ВАКЫТНЫ КУЛДАН ЫЧКЫНДЫРМАУ МӨҺИМ

Милли йола буенча безнең халык терлек азыгы хәзерләү эшләренә Сабан туеннан соң тотынырга гадәтләнгән. Ә икътисад ныклыгын тәэмин итәм дигәндә, бу эшкә терлек азыгы культураларының өлгерү вакытына карап тотыну кирәк. Район хуҗалыкларында терлек азыгы хәзерләү мәсьәләләре тикшерелгән киңәшмәдә нәкъ шуңа басым ясалды.

ҺӘР АВЫЛНЫҢ СОКЛАНЫРЛЫК ЯГЫ БАР

Үзәктән еракта урнашкан авыллар, гадәттәгечә, ташландык нокта булып күз алдына баса. Ләкин барлык авыллар да мондый хәлдә түгел. Борай, Мишкә районнары чигендә урнашкан Кизгәнбаш авылы уңай мисал исәбендә. Биредә авыл тормышы сүрелмәгән.

ИГҮЛЕ КЫРЛАР—АВЫЛ ЯМЕ

Авыл хуҗалыгы файдалануындагы җирләрне яшь агачлар, кура баскан урыннарны һәр авыл тирәсендә күрергә мөмкин. Элек күмәк хуҗалыкта хезмәтен салган бүгенге өлкән буын вәкилләре моңа бигрәк тә борчыла. Элекке Ленин исемендәге колхоз чикләрендә дә ун-унбиш ел дәвамында файдаланылмаган басулар бар. Шуңа да инвестор килүен Нөркә һәм Имән авылларында сөенеп кабул иттеләр.

ҖИРГӘ— ДЫМ, ЭШЛӘР ӨЧЕН ЯВЫМСЫЗ КӨН КИРӘК

Быелгы һава шартлары игенчегә дәртләнеп эшләргә мөмкинлек бирми. Җылысы белән сөендермәгән май ае явым-төшемгә байлыгы белән биздерде, дип әйтү дә арттыру булмас. Кайбер урыннарда җир дымны сыйдыра алмый хәтта. Уйсулыкларда күлләвекләр ята. Бер уйлаганда туфрактан дым очып югала, дип борчыласы юк сыман. Ләкин мондый чакта агротехник вакыт дигән төшенчә игенчене уйланырга мәҗбүр итә.

ИРЛӘР ҖИГҮЛЕ БУЛГАНДА КЫРЛАР ДА ИГҮЛЕ

„Богдан” җәмгыяте машина-трактор паркын файдалану өлкәсендә эшне оештыру үзенчәлекләре белән аерыла. Биредә һәр механизаторга ике-өч трактор беркетелгән.

ЯЗГЫ ЯҢГЫР—УҢЫШКА, ДИЛӘР ДӘ УЛ...

Районда инде иртә культураларны чәчүне төгәлләгән хуҗалыклар да бар. Ләкин барлык авыл хуҗалыгы предприятиеләрендә дә безнең төбәк туфрак-климат шартлары өчен кулай вакытта эшне төгәлли алырлармы? Республиканың төньяк урман-дала зонасында чәчүне 25нче майга кадәр төгәлләү яхшы.

ҮСЕМЛЕКЧЕЛЕК—ХУҖАЛЫКНЫҢ ӨСТЕНЛЕКЛЕ ЮНӘЛЕШЕ

Районда эре авыл хуҗалыгы предприятиеләре белән беррәттән, крестьян- фермер хуҗалыклары да үсемлекчелек тармагында нәтиҗәле үсеш кичерә. Үткән ел йомгаклары буенча „Марат Бәләгытдинов индивидуаль предприятиесе” хуҗалыкның материаль-техник базасын ныгыту өстендә эш алып барганы һәм чәчүлек мәйданнарын киңәйтүгә ирешкәне өчен район Хакимиятенең дипломы белән бүләкләнгән иде.

ТЫРЫШЛЫКНЫҢ НӘТИҖӘСЕН КҮРЕРГӘ ЯЗСЫН!

Һәр яз үз мәшәкатьләре белән килә. Быелгысы игенчене нык сыный. Югыйсә эшне кызу тоткан хуҗалыкларда элегрәк бу вакытта инде иртә культураларны чәчүне төгәллиләр иде.

БУ КЫРЛАРДА КҮПМЕ СОРТЛАР СЫНАЛГАН

Балтач дәүләт сорт сынау участогы басуларында туфрак иртә өлгерә. Җирләр тигез. Кояш та биредәге кырларга җылысын юмартрак өләшә сыман. Предприятие игенчеләре быел да язгы кыр эшләрен районда беренчеләр исәбендә башлап җибәрде.

ИНКУБАТОР—КОШЧЫЛЫК ТАРМАГЫ ДӘВАМЫ

Авыл җирендә кошчылык отышлы тармак. Кошлар ит юнәлешендәге башка малларга караганда тиз үсә. Кондициягә җиткән бер каз кошчыга уртача 1,5 мең сум акча китерә ала. Үз ихатасында кошчылык, бигрәк тә каз үстерү белән шөгыльләнергә теләүчеләргә „Мотор” җәмгыяте елның-елында ярдәм итә. Җәмгыятьнең инкубатор станциясендә чыгарылган каз бәбкәләрен күрше районнардан да килеп сатып алалар. 29нчы апрель көнендә инкубатор станциясе эшчәнлеге белән район Хакимияте башлыгы Марсель Сәүбән улы Закиров танышты.

RSS-материал