Район сулышы

“АВЫЛЛАРНЫ ЯМЬЛӘП БӘБИЛӘР ТУСЫН!”

Республика Президенты Рөстәм Хәмитовның балалар бакчалары ачу турындагы башлангычы киң җәмәгатьчелек, бигрәк тә ата-аналар тарафыннан, хуплап каршы алынды. Демографик хәлне яхшырту максатында каралган чараларны тормышка ашыру туган балаларны тәрбияләү системасын камилләштерүне дә таләп итә. “Баланы тапкач, ничек тәрбияләрмен? Аны кайда калдырып эшкә чыгармын?” дигән сорауларга җавап таба алмаган ана гаиләсен ишәйтү адымына бармый. Мәсьәләнең икенче ягы да бар: мәктәптә укыту программалары елдан-ел катлаулана. Өйдә генә тәрбия алып үскән баланың акыл үсеше белән бу яңалыкларны үзләштереп булмый. Балалар бакчаларында алган белемнәр булачак укучыларның уңышлылыгының да нигезе. Димәк, республика программасы шәһәр өчен генә түгел, авыллар өчен дә актуаль булып тора.

ЛАЕКЛЫЛАРНЫ БҮЛӘКЛӘДЕЛӘР

5 апрель көнне Русия Федерациясенең Эчке эшләр министрлыгы «Балтач» муниципальара бүлегендә бер төркем полиция хезмәткәрләре агымдагы елның беренче кварталына йомгак ясадылар. Анда оператив идарә бүлеге начальнигы урынбасары, полиция подполковнигы Олег Казупский, РФ Эчке эшләр министрлыгы «Балтач» муниципальара бүлеге начальнигы Борис Хайруллин, икътисад, төзелеш һәм торак-коммуналь хуҗалыгы мәсьәләләре буенча урынбасар Айдар Галиев, район прокуроры, юстициянең кече советнигы Азат Кәримов, Эчке эшләр министрлыгының ветераннар советы рәисе Фәдис Исламов һәм башка полиция хезмәткәрләре катнашты.

БУЛДЫРАСЫҢ, РАМИЛ

Рамил Шафиев минем күз алдымда үсте. Ул минем укучым. Мин аның бәләкәй чагыннан ук спортка тартылуын күреп соклана идем. Җиргә кар төшкәнен көтеп алган чаклары гына да ни тора. Чаңгыга басарга ашкынып торган Рамил малай чагыннан ук кыш җиткәнен ашкынып көтте. Уйнарга ул гел чаңгыда чыкты. Нәтиҗәдә, мәктәп яшенә җиткәндә, спортчы булып өлгергәнен сизми дә калды.

БӘЙГЕГӘ ЛАЕКЛЫЛАР ГЫНА ЧЫГА!

1 санлы Иске Балтач урта мәктәбендә “Ел педагогы - 2012” район конкурсы үтте. Район Хакимиятенең мәгариф бүлеге, балалар иҗат үзәге һәм спорт мәктәбе оештырган бәйге балаларга өстәмә белем бирүнең ролен күтәрүгә юнәлтелә. “Конкурс икенче тапкыр үткәрелә. Районда балаларга өстәмә белем бирү буенча эшләгән ике учреждение педагоглары да бәйгедә катнашу өчен зур әзерлек эшләре алып барды. Бүген алар арасыннан иң талантлысын сайларга кирәк. Җиңүче республика күләмендә район исемен лаеклы якларлык булсын!” — диде конкурсны ачу тантанасында балалар иҗат үзәге директоры Азат Әхкамов.

МАТУР БАСА БЕЛГӘННӘРНЕ ҖЫЙДЫ БӘЙГЕ СӘЙТӘККӘ!

Бию сәнгатен сөюче райондашларыбыз 30 март көнне Сәйтәк авыл мәдәният йортына агылды. “Өзә бас – 2012” конкурсы барлыгы 310 кешене: 24 зур, 20 кече коллективны, 17 ялгыз биючене кабул итте. Мәдәният йорты иртәнге сәгать унбердән алып кичке унга кадәр гөрләп торды. Алай гына да түгел, бу конкурска әзерлек чорында клубларда, мәктәпләрдә дә мәдәни тормыш җанланды: район мәдәният сарае методистлары Алсу Әхмәтсафиева, Илмир Фәридонов, Ирина Хәмәтьяровалар, хореографлар Раушания Йосыпова, Венера Баландина һәм Алина Вәлиәхмәтовалар авылларга йөреп коллективлар өчен биюләр салдылар, ярдәм күрсәттеләр.

“ИЛЕБЕЗНЕҢ ЧЫН САКЧЫСЫН ҮСТЕРГӘНСЕЗ!”

Ата-ана өчен бала — дөньяда иң кадерлесе. Кашык тотып ашарга, беренче адымны атларга, беренче сүзләрне әйтергә, укырга, эшләргә, кешеләр арасында яшәргә өйрәтеп үстерәбез аларны. Авырлыклардан араларга, гел бәхетле итәргә тырышабыз. Көябез, янабыз, төннәрдә йокламыйбыз, күпме йөрәк көче түгәбез алар өчен! Шулкадәр кадерләгән баланы еракларга озату, аңардан аерылу авыр, әлбәттә. Ил алдында бурычын үтәргә киткән егетләрнең ата-аналары мең газаплар, мең куркулар кичерә. Әмма улларының яхшы хезмәте турында ишетү, аларны сау-сәламәт каршы алу бәхете сагыну-әрнүләрне дә, ирексездән тамган күз яшьләрен дә оныттырадыр.

МӘДӘНИЯТ САРАЕ ИШЕКЛӘРЕН АЧТЫ

Үзешчән сәнгать коллективларының “Дуслык чәчәк ата” исеме астында үткән республика фестивале Балтачка да килеп җитте. Район Хакимият башлыгының социаль мәсьәләләр һәм кадрлар буенча урынбасары Фирдәвис Рәхимов көтеп алынган чараны ачып: “Ел ярымга сузылган ремонтка бәйле өзеклектән соң район мәдәният сараеның ишекләре ачылды. Мәдәният учагын төзекләндерүгә зур средстволар бүлү республика икътисадының моңа сәләтле булуын күрсәтә. Район халкы да шундый мәһабәт, заманча, матур мәдәният сараена лаек!” — дип белдерде.

ЧИРАТТАГЫ КИҢӘШМӘ ЭКСПЕРТИЗАЛАР ҮТКӘРҮ БУЕНЧА ИДЕ

Бүгенге тормышта җинаятьчелекнең артуы хафага сала. Аларны ачыклаган вакытта полиция хезмәткәрләренә төрле вакыйгалар белән очрашырга туры килә.
22 март көнне Башкортстан Республикасы буенча Эчке эшләр министрлыгының сорау алу оешма идарәсе инициативасы белән Русия Федерациясенең Эчке эшләр министрлыгының «Балтач» муниципаль бүлегендә төбәк киңәшмә үтте.

КЫШКЫ ТУРИЗМ ЯРЫШЛАРЫНДА

14 март көнне Нөркә авылында чаңгы туризмы буенча IX район ярышлары үтте. Әлеге бәйгедә район мәктәп укучылары катнашты. Ярышларны өстәмә белем бирү учреждениесе район балалар иҗат үзәге өәм Нөркә урта белем бирү мәктәбе оештырды. Чараны ачып җибәрү өчен сүзне балалар иҗат үзәге директоры Азат Әхкамов алды. Ул команда вәкилләренә яхшы чыгыш ясауларын теләде. Өәм шул ук вакытта уенда катнашучылар үтәчәк трассаның авыр өәм республика ярышларындагы юлга охшатылып эшләнгәнен билгеләп үтте. Уен кагыйдәләре буенча укучылар ике төркемдә көч сынашты. А классында республика спорт туризмы ярышларында катнашып тәҗрибә туплаган командалар ярышты. Ә Б классында исә район күләмендә үткән бәйгеләрдә катнашкан укучылар үзләренең көчләрен сынады.

БЕЛЕМ ӨСТӘЛЕП ТОРСА ЯХШЫ

Һөнәрман дипломга ия булды да белемен камилләштерүдән тукталырга тиеш дигән сүз түгел. Чөнки һәр көн кешегә нинди дә булса яңалык бүләк итә. Яңадан-яңа ачышлар ясала, тармаклар яңа технологияләр үзләштерә, әлегә кадәр билгеле булмаган чирләр дә килеп чыгып тора... Квалификация күтәрү курсларының максаты белгечләргә тармак өлкәсендәге менә шул яңалыкларны җиткерүдән гыйбарәт.

RSS-материал