Район сулышы

СПОРТ ФЕСТИВАЛЕНДӘ ЯШЬЛӘР

Нәрсә ул сәламәт яшәү рәвеше? Моны һәркем үзенчә аңлый. Кемгәдер ул зарарлы гадәтләрдән баш тарту, кемгәдер спорт белән актив шөгыльләнү, ә инде өченче берәүгә ул төрле диеталарда «утыру» булып күз алдына килә. Ә асылда исә сәламәт яшәү рәвеше үрдә саналып киткәннәрнең барысын да үзенә туплый. Һәм кешегә үзен горурланып «мин тазамын» дип әйтер өчен спорт кирәк. Хәтта сезнең артык авырлык белән проблемаларыгыз булмаса да, физик эш, яшь кешеме, олы булсынмы, гомумән, барысына да кирәк.

ГИМНАСТИКА ГЫНА ДИМӘ...

Спорт гимнастикасы — төрле гимнастик корылмаларда үтә торган иң борынгы ярыш төрләренең берсе. Гимнастика күп кенә спорт төрләренең техник нигезе булып тора. Ул техник күнегүләр генә биреп калмый, ә кешедә көч, сыгылмалылык, чыдамлылык, хәрәкәт координациясе, рухи тынычлык кебек сыйфатлар да тәрбияли.

ЯШӘГЕЗ ӘЛЕ СЕЗ, ФРОНТОВИКЛАР!

Барлык ил халкы, аеруча олы буын кешеләре, зур әти, зур әниләребез өчен мөһим бәйрәмнәрнең берсе Бөек Җиңүнең 67 еллыгын билгеләп үттек. Ярты гасырдан артык вакыт үтсә дә, авыр сугыш еллары онытылмый, ветераннарыбыз аны күз яшьләре аша искә ала. Дәһшәтле сугыш юлларын үткән ветераннарның сафы елдан-ел кими. Алар бүген санаулы гына. Җиңү язы бездән ераклашканнан ераклаша. Буыннар алмашына. Шулай да зур әти, зур әниләребез бүләк иткән Җиңү язы мәңге онытылмас.

ТЕЛЛӘРЕННӘН “БАЛ ТАМЫЗДЫ” НӘФИС СҮЗ ОСТАЛАРЫ!

26 апрельдә — бөек татар шагыйре Габдулла Тукайның туган көнендә — Нөркәдә “Илһам баскычлары” район шигърият конкурсы үтте. Чара республикада игълан ителгән балачак иминлеге һәм гаилә кыйммәтләрен ныгыту елына багышланды. Моннан тыш, тарихи һәм әхлакый темаларга багышланган чыгышлар да күп булды. Нөркә тамашачысы патриотик рухта язылган әсәрләрне дә, сатирик шигырьләрне дә бердәй аңлап, чыгыш ясаучыларга ярдәм итеп, алкышлап кабул итә белә. Электән тамашалар күреп, үзләре һәм якыннары кушылып уйнап, сәхнәгә хөрмәт белән тәрбияләнгәнгә шулайдыр бу. “Нөркә авылы бу чараны үз итте. Үткәргән чараларга халыкның дәррәү йөрүе күңелле”, — дип билгеләде чыгышында район мәдәният бүлеге җитәкчесе Гали Сәрвәртдинов. Чынлап та, гала-концерт сәхнәсе Нөркә, Имән үзешчәннәреннән гөрләп торды: “Гөлбәзир” халык фольклор ансамбле, укытучыларның вокаль коллективы, халык театры артистлары, җырчылар Рәһинә Назметдинова белән Гөлфирә Гыйндуллина, моңлы егет — нөркәле Разия һәм Рәиф Вәлиевларның оныгы Илнур, гармунчылар Кадим Вәлиев һәм Наил Фаридонов, тыңлап туймас моң иясе, Башкортстанның атказанган мәдәният хезмәткәре Светлана Вәлиева, аның ашкынып, яңа “табадан төшкән” китабын алып кайткан язучы кызы Лира Ибраһим-Вәлиди, өстәвенә, авыл мәдәният йорты җитәкчесе Илүсә Кашапова быел ике төркем укучыларны да биюгә бастырган, — әйтерсең, бөтен Нөркә, Имән авыллары сәхнәгә менгән, ә тамаша залы барыбер шыгрым тулы! Ни дисәң дә, мәдәниятле авылларыбызның берсе ул — Нөркә.

КҮҢЕЛ ҖЫЛЫСЫН КУШЫП

Иртәгәсе тыныч киләчәкне тәэмин итүче ил сакчысына халкыбыз һәрчак ихтирамлы мөнәсәбәттә. Моны райондашларыбыз ел саен көз һәм яз чакыру чорында үткән „Призывник көне”ндә дәлилли. Илебездә киң билгеләнгән май бәйрәмнәре алдында булачак солдатлар күркәм чарага янә тыелды. Традиция буенча ул Бөек Ватан сугышы ветераннары, хәрби хезмәткә чакырылучы егетләр, ата-аналар, авыл биләмәсе хакимиятләре вәкилләре катнашлыгында үтте.

ТЫРМАЛАР ЭШТӘН БУШАДЫ...

Язгы басуда дым алтыннан кадерле. Бу яклап “Луч” җәмгыяте игенчеләренең күңеле тыныч. Чөнки хуҗалык басуларында дым каплатуны төгәлләделәр.

— Эш тәмам, чәчәсе генә калды,—дип шаярта игенчеләр.
Орлыкларның дымлы җиргә төшүе уңышка никадәр өмет бит ул. Ул өметләр аклансын өчен игенчеләр эшләрен яхшы сыйфат белән башкарырга тырышты. Механизатор Феликс Демьянов, Газнәви Шәйхуллин, Миңнехан һәм Илфир Галихановлар, Финат Зайдуганов, Әлфит Каюмов, Юрий Садриев, Әдис Нәриевлар таңнан торып кояш баеганчы басуларны иңләде бу көннәрдә.

ХЕЗМӘТЕНДӘ ЯУЛАНГАН ХӨРМӘТ

Гомернең яңа фасылына аяк басканда артка борылып карыйсың. Ә анда күпме яуланган үрләр, күпме борчылулар, тырышулар. Алар берсе дә эзсез үтми. 34 ел гомерен Эчке эшләр хезмәтенә багышлаган, районыбызның ихтирамлы һәм абруйлы кешеләренең берсе Мәгъдән Өметдинов та гомеренең яңа фасылына аяк баса. Аңа 60 яшь тула.

ТӨЗЕЛЕШ —УЛ ТОРМЫШ ДӘВАМЫ

Район үзәгендә “Көньяк” микрорайоны төзелешен һәм андагы инфраструктураны тизрәк сафка кертү бурычы тора. Башкортстан Республикасы Төзелеш һәм архитектура буенча дәүләт комитеты рәисе Мәхмүдов Хәлит Мәхмүт улы безнең районга сәфәр кылган көнендә эшен нәкъ менә шушы микрорайондагы хәлләр белән танышудан башлады.

ӘЗЕР ТОРУ КИРӘК ҺӘРВАКЫТ

Районда гадәттән тыш хәлләр килеп туганда халыкны бу турыда хәбәрдар итү, халыкны, авыл хуҗалыгы терлекләрен, үсемлекләрне чиктән тыш хәлләрдән саклау, авария һәм җимерекләрне төзәтү, зыян күрүчеләргә медицина ярдәме күрсәтү, азык-төлек белән тәэмин итү кебек бурычлар йөкләтелгән унсигез формирование булдырылган. Аларның әзерлеген тикшерү максатында даими рәвештә күнегүләр үткәрелеп тора.

«РОМАНТИКИ» АНСАМБЛЕ ЧЫГЫШЫ

Русия Президенты Дмитрий Медведев 2012 елны Русия тарихы елы дип игълан ителде. Бу җәмәгатьчелекне Русия тарихы белән кызыксынуга җәлеп итү һәм дөньядагы тарихи процесста аның ролен күтәрү йөзеннән эшләнә. Шул уңайдан Русиянең төрле төбәкләрендә төрле чаралар үткәрелә.

RSS-материал