Район сулышы

Быел районның 35 мәктәбендә 2606 укучы белем алачак

. Шуларның 215е — беренчеләр.
1 сентябрь көнне районның барлык мәктәпләрендә дә Белем бәйрәменә багышланган тантаналы чаралар үтте. Аларның төп геройлары, әлбәттә, беренчеләр. Зур-зур чәчәк гөлләмәләре артыннан чак кына күренеп торган нәниләрне бәйрәмчә бизәлгән сыйныф бүлмәләре, беренче укытучылары көтеп алды. Ата-аналар аларны тырышып-тырышып мөһим вакыйгага әзерләде: иң матур костюмнар, сумкалар, чагу төсле китап-дәфтәрләр, уку әсбаплары беренчегә баручы балаларга сайлап алынды.

„КӨНЬЯК” МИКРОРАЙОНЫНДА ЯҢА МӘКТӘП АЧЫЛДЫ

Республикада яңа уку елына файдалануга тапшырылган яңа 4 мәктәпнең берсе — Балтач районында
Иске Балтач авылының „Көньяк” микрорайоны көннән-көн матурлана. Бер-бератлы калкып чыккан берсеннән-берсе күркәмрәк өйләр, урамнар белән бервакытта газ, су үткәрү, юл салу эшләре дә алып барыла. Август аенда ачылган „Белоснежка” балалар бакчасының бүлмәләре нәниләрнең шат тавышына күмелде. Беренче сентябрь көнне микрорайонда тагын зур бәйрәм — башлангыч мәктәпне ачу тантанасы булды. Районның баш архитекторы Рәфил Зарипов әйтүенчә, микрорайонда 218 йорт булачак. Монда күпчелек яшь гаиләләр урнашуын исәпкә алсак, башлангыч мәктәпнең кирәклеге ачык күренә. Туксан балага тәгаенләнгән бинада дүрт сыйныф укытылачак. 25 укучы бу көнне яңа мәктәпкә беренче сыйныфка укырга килде. Балаларны Иске Балтач, Югары Янактай, Тозлыбин авылларыннан автобус белән йөртү оештырылган. „Мәктәптә яңа дәүләт мәгариф стандартлары буенча укыту өчен бөтен шартлар да тудырылды, — ди район мәгариф бүлеге начальнигы Нурия Сабирова. — Ике катлы бинада компьютерлар белән комплектланган информатика кабинеты, спорт залы, ашханә, душ бүлмәсе, кыскасы, нәни балалар өчен бөтен уңайлыклар бар. Укучылар атнасына өч дәрес инглиз телен төркемнәргә бүленеп җиһазландырылган лингофон кабинетында үзләштерәчәк”.

„Көньяк” микрорайоны төзелешен дәүләт программасына кертү өчен район бюджетыннан ун миллион сумга якын акча бүленде, проект эшләнде һәм экспертиза үткәрелде. Республика һәм Русия конкурсында җиңү, бу проектны „Авыл хуҗалыгы үсеше” федераль программасына кертү өчен күп көч салынды.

Ә БУ ЙОРТНЫ КЕМ САКЛЫЙ?

— Бичура йорт рухы, өйнең сакчысы һәм мифологик хуҗасы буларак гәүдәләнә. Кеше элек-электән аның тыныч тормыш, гаилә иминлеге тәэмин итүенә ышанган. Әкият һәм чынбарлыкны чагыштырганда, ведомстводан тыш саклау бүлеге хезмәткәрләре дә шул ук бичура ролен үти,— диде Башкортстан Республикасы Эчке эшләр министрлыгы Ведомстводан тыш саклау идарәлеге матбугат хезмәте начальнигы, полиция капитаны Наталья Трутнева, “Һәр йортка иминлек белән” дип аталган киңмасштаблы акция-эстафета максатлары белән чагыштырганда.

“БАЙЫК”ТА УҢЫШЛЫ ЧЫГЫШ ЯСАДЫЛАР

Балалар арасында Башкортстан Республикасы Президенты призына “Байык” башкорт биюен башкаручылар телевизион конкурсының сайлап алу туры өч урында: Мәчетле, Зилаер районнарында һәм Уфа шәһәрендә үтте. Район балалар сәнгать мәктәбенең “Зөлфия” балалар үрнәкле бию ансамбленең урта төркеме Уфа шәһәрендә үткән сайлап алу турында катнашты. Яшь биючеләр “Ирәндек” башкорт биюен башкарып, жюри әгъзалары тарафыннан уңай бәһаландылар һәм икенче турга чыктылар.
Җиңүчеләрне бүләкләү тантанасы 14 июль көнне Күгәрчен районында, Морадым тарлавыгында үтте. “Искиткеч гүзәл табигать кочагында сәхнә урнаштырылган. Катнашучыларга уңайлы шартлар тудырылган. Күгәрчен халкының кунакчыллыгы, ачык күңелле булуы хәйран калдыра. Быелгы конкурста күрше өлкәләрдән дә балалар катнашты. Мәсәлән, сайлап алу турында безнең белән бергә Чиләбе, Саратов, Екатеринбург, Самара шәһәрләреннән дә биючеләр чыгыш ясады.

ЧИШМӘЛӘРНЕҢ ЧЫЛТЫРАП АГЫШЫ

Кеше бер генә минут та сусыз тора алмый. Су үзенә бар нәрсәне дә ала һәм бирә. Суга әйбер ташларга, хәтта су янында начар сүзләр әйтеп әрләшергә дә ярамый. Борынгылар таң суы бигрәк тә шифалы дигәннәр. Чынлап та, таң суы көч биреп кенә калмый, бик күп чирләрдән дә дәвалый. Мәсәлән, тамак шешен, ашказанны һәм күзләрне дәвалаганда да аны кулланалар. Эчәр суларыбыз турында күп сөйләргә була.

Яхшы хәбәр ЯҢА БАКЧА БӘХЕТЛЕ БАЛАЧАК ЙОРТЫНА ӘВЕРЕЛСЕН!

Район үзәгенең яңа төзелгән “Көньяк” микрорайонындагы “Белоснежка” балалар бакчасының ачылу-ачылмау хәбәре соңгы ярты елда көнүзәк тема булды, тел өстеннән төшмәде. Бакчаның әшли башлавын балалар да, аларның ата-аналары да, бинаны бизәү, җиһазландыру әшләрендә актив катнашкан тәрбиячеләр коллективы да бердәй ашкынып көтте. Ниһаять, 3 август көнне объект куллануга тапшырылды һәм аның нәни хуҗалары берсеннән-берсе матур бүлмәләргә шат тавышлары, туктаусыз йөгерешүләре белән җан өрделәр.

БУЛАЧАК ХӘРБИЛӘР ТӘРБИЯЛИЛӘР

6 август көнне «Алтын башак» ял һәм савыктыру лагеренда өченче агымны ачу тантанасы үтте. Агым «Яшь спецназчылар» исеме астында эшлиячәк. Бу юлы лагерь 40 балага үз ишекләрен ачты. Хәрби-патриотик профильле агымда балалар сәламәт һәм файдалы ял итсен өчен бар уңайлыклар да булдырылган. Алар җәйге ялдан соң яңа уку елына көч туплап, физик формаларын яхшырту өчен килгәннәр. Кыскасы, биредә булачак спортчылар, Ватанны саклаячак егетләр тәрбияләнә дисәк тә була.
«Алтын башак» ял һәм савыктыру лагеренда балаларның ялын оештыру өчен район бюджеты һәм район яшьләр комитеты тарафыннан акча бүленгән. Агымдагы елда бу юнәлеш өчен бүленгән акча 300 меңгә якын сум тәшкил итә.

ДЕСАНТЧЫЛАР БЕРГӘ ҖЫЕЛДЫ

2 август — көнне һәр елны солдат юлы һава-десант гаскәрләре белән бәйле ир-етеләр үзләренең данлыклы бәйрәмен билгеләп үтәләр. Безнең район үзәгендә дә һава-десант гаскәрләре көне уңаеннан бер төркем якташ-десантчылар да зәңгәр биретларын киеп очрашуга килде. Еллар үтүгә карамастан, аларның сөйләшер сүзләре, уртак фикерләре бетмәс-төкәнмәс.

БУЛДЫРА БИТ РОССИЯЛЕЛӘР!

«Россия» җәмгыятендә урак эшләре һәр елда комплекслы башкарыла. Агымдагы ел урагы да аннан искәрмә түгел. Хуҗалык басуларында 600 гектар мәйданда өлгергән арыш уңышын җыйнап алуга читтән ярдәм җәлеп итмәделәр. Үз көчләренә таяндылар. ЖВЗ-7 ургычлдарын хезмәтләндергән Илдар Аскаров һәм Илнур Гыйләҗевлар ЖВП-6 ургычында тәҗрибәле механизатор Финат Әхкамов аяз көннең һәр сәгатен, һәр минутын җаваплылык белән үткәрде. Ургыч машинистлары артыннан тезмәләргә салынган уңышны Дон һәм Нива комбайннарында суктырган Рушан Галиханов, Марат Кашапов, Фларис Әхияров һәм Рәмил Глимҗановлар өлгерлек күрсәттеләр.

«ИҖАТ — АРТИСТ ӨЧЕН СУЛЫШ УЛ»

Мәскәү шәһәрендә яшәүче Айнур Исламов ел да сагынып Иске Балтач авылына кайта. Дәү әнисе һәм дәү әтисе Рәмилә Әхтәм кызы һәм Рәлиф Сөләйман улы Исламовлар, яшь булуына карамастан, танылу яулый башлаган артист өчен илһам чыганагы һәм этәргеч көчкә ия кешеләр. Бәләкәйдән һәр җәйләрен Иске Балтачта үткәргәнгә күрә: «Ял итү өчен чит илләрең читтә торсын. Сулар саф һавасы, матур Танып елгасы, ихлас халкы иң мөһиме газиз кешеләрем булганга күңел һәрчак монда тарта», — ди Айнур. Ул Мәскәү шәһәрендә Халыкара славян институтының актерлар факультетында белем ала. Художество җитәкчеләре Людмила Ивановна Иванова (ул безгә «Служебный роман» нәфис фильмында җәмәгать тормышын әйдәүче Шура образы буенча таныш). II курсны тәмамлаган егет иҗат тормышында кайный. Тәүге курсларда белем алганда этюдлар күрсәтү, кешенең тормышчан халәтен тасвирлау белән мәшгуль.

RSS-материал