Иске Янбай авылының бер очында ялгызы гына гомер кичерүче Фәрия апа Абдуллина янында биш кенә минут тордым. Мәгъдән абый Фазылов язган мәкаләгә фото кирәк иде. Фотохәбәрчебез Газим Талиповның килүен Фәрия апа әзерләнеп, матур күлмәген киеп көтеп торган. Яулыгын бәйләтеп, стенага эленгән яшь вакытындагы рәсеме алдына бастырып фото төшердек. Шул аз гына вакыт эчендә дә ачык йөзле, якты күңелле Фәрия апа белән тормышы турында сөйләшеп, бер-беребезне яратып өлгердек. Кочаклашып аерылыштык. Менә бит: кешене якын күрү өчен күп вакыт та кирәкми икән. Күңел җылыңны өләшеп, изге теләкләрең белән озатып калуың өчен рәхмәт сиңа, Фәрия апа!

„Ачлыкны үткәргән, үлән ашап үскән балалар без,” —дип елмаеп каршы алды ул безне. Күпме генә авырлыклар кичерсә дә дөньяны яратуы, күңел көрлеге, җор теллелеге белән әсир итте Югары Карыш авылында яшәүче Җәннәтеләсма Нургалиева. Дөньяны яратып, кешеләр белән аралашудан ямь табып, бер минут та тик тормый ул.

Көмьязы авылында яшәүче Нәзирә Габидула кызы Насыйбуллина йөз яше тулу уңаеннан Русия Президенты Владимир Путинның Котлау хатын, җитәкчеләрдән, балалары, оныкларыннан котлаулар кабул итте.

Йөз яшькә атлаганда да күзлексез гәзит укыган кешене күргәнегез бармы сезнең? Шушы көннәрдә без нәкъ шундый героебыз белән танышып кайттык. Асавка авылында гомер итүче 94 яшьлек Мәрзия Фәтхуллина ул. Әллә ышанмыйсызмы? Һич ялган түгел, өендәге шүрлекләрдә район басмасы да, „Өмет” гәзите дә җыелып бара аның. Теләгән вакытта әби кулына гәзит алып укып күңел юанычы таба.

Асавка авылында гомер итүче Гайникамал Хаматова быел 90 яшен билгеләгән.

Асавка авылында гомер итүче Гайникамал Хаматова быел 90 яшен билгеләгән.

Бу яшьне Аллаһы Тәгалә бөтен кешегә дә бирми, бик сирәкләргә генә мондый бәхет елмая. Язмыш сынауларын сабыр үткәргән Таибә әбиемнең дә йөзъяшәрләр сафында булуы безгә горурлык хисе өсти.

Көндәшле авылында яшәүче сугыш һәм хезмәт ветераны Гирфанов Гильман Гирфан улын 90 яше тулуы уңаеннан чын күңелдән кайнар котлыйбыз.
Юбилярга какшамас сәламәтлек, тыныч таңнар, куанычлардан гына торган имин тормыш телибез.
Алдагы гомерегездә тормыш иптәшегезнең, үстергән балаларыгызның, оныкларыгызның ярдәмен тоеп, игелеген күреп кадер-хөрмәттә яшәгез, хөрмәтле Гильман Гирфан улы!