Авыл хуҗалыгы

ЯШЕЛЛӘНӘ АРЫШ ЧӘЧҮЛЕКЛӘРЕ

Явым-төшемгә саран килгән быелгы кыш үсемлекчелек тармагы эшчәннәрен борчуга салган иде. Борчылырлык булды да шул. Чөнки арыш чәчүлекләре кышкы салкыннарны “юргансыз” үткәрде. Утыз градустан түбән салкын көннәрдә арыш чәчүлекләренә күз салсаң, ул басуларда өмет юк иде сыман. Фән күзлегеннән караганда да ышаныч бик икеле иде. Чөнки кар япмасы булмаганда арышның куаклану үзәге 18-23 градуска кадәр салкыннарга гына чыдам булуы билгеле.
Бу хәлгә галимнәр дә гаҗәпләнер, мөгаен. Арыш чәчүлекләре исән. Көннәрне җылыту белән уҗымнар үсүгә кузгалды. Моңа сөенеп, игенчеләр чәчүлекләрне минераль ашламалар белән тукландыруга төште.

АНЫҢ КЕБЕКЛӘР ЙӨЗЕНДӘ АВЫЛ ХЕЗМӘТЕ АБРУЕ

Аграр сәнәгать комплексы предприятиеләрендә кадрлар мәсьәләсе төрле урында төрлечә. Сүз юк, авыллар “картая”. Кайбер авылларда хезмәт яшендәге кешеләр сафы сирәгәя бара. Хезмәт яшендәге кешеләре күп була торып та күмәк хуҗалык производствосында кадрларга кытлык кичергән авыллар бар. Нәтиҗәдә, кайчандыр горләп торган объектлар ябыла. Ә авыл хезмәтенең кадерен белгән һөнәрманнар эшләгән урыннарда аграр сәнәгать комплексы тармаклары киңәя бара. Боларга охшаш хәлләрне безнең төбәк авылларында да күрергә мөмкин.

КӨНКҮРЕШ ӨЧЕН ДӘ ОТЫШЛЫ ҺӘМ УҢАЙЛЫ

Соңгы елларда автотранспорт һава пычратучы төп объектларның берсе икәнлеген бүген беркем дә инкарь итмәс, мөгаен. Белгечләр пычратылган һаваның алтмыш проценты автотранспорт өлешенә туры килә, дип исәпли. Автомашиналар двигателен газ ягулыгына көйләгәндә берәүләр энергия чыганагының бәясе арзанрак булуын исәпкә алса, аның экологик аспекты да бар. Монысы бөтен кешелек өчен кыйммәт.

Ә КОЯШНЫҢ ҮЗ ВАКЫТЫ...

“Мотор” җәмгыятендә авыл хуҗалыгы техникасын күптән сафка бастыру мөмкинлеге бар иде. Ләкин җәмгыятьнең югары җитәкчелеге эш сәгатен нәтиҗәлерәк файдалану максатында, ремонт эшләрен соңгарак калдырды. Бер карасаң дөрес тә. Чөнки кышын җәйге вакыт буенча яшәү бер генә дә авыл эшчәне файдасына түгел. Көн яктыра башлаганда инде төшке аш сәгате якынлаша. Ә иртәнге тугыз сәгатьтә эшкә килеп, тышта торган культиватор, чәчкеч янында нинди эш майтарасың? Караңгы.

АПК предприятиеләрендә

Хуҗалык җитәкчеләре катнашлыгында күптән түгел үткән киңәшмәдә “Урал” җәмгыятендә авыл хуҗалыгы техникасы ремонты барышы яхшы бәћаланган иде. Җәмгыятьнең Яңа Балтач звеносында аеруча җанлылык. Җир эшкәртү, чәчү техникасы әзерлек сызыгында. Ә ремонт дигәнең аларны сафка кертү белән генә чикләнми. Мәсәлән, кызу эш чорында 2ПТС-4 тагылмаларына да эш күп төшә. Хуҗалыкта алар инде күп еллар эксплуатацияләнә. Тузган өлешләре ремонт таләп итә. Ә тагылманың яңасын сатып алыйм дисәң, кимендә йөз мең сумыңны чыгарып салырга кирәк.

RSS-материал